Жаңалықтар

2021 жылдың 10 маусым айында Батыс Қазақстан облысы әкімдігі ішкі саясат басқармасының Татуласу орталығы мен Батыс Қазақстан инновациялық-технологиялық университеті арасында ынтымақтастық туралы Меморандумға қол қою рәсімі өтті. Келісімге БҚО Татуласу орталығының басшысы Алуа Рахишева мен БҚИТУ проректоры Аянбек Абекешев қол қойды. Меморандумға қол қою рәсімінде Орал қаласының № 2 сотының судьясы Гүлфия Батырғалиева, БҚО Мамандандырылған ауданаралық экономикалық сотының судьясы Алтынай Давлетова, БҚО Татуласу орталығының психологы Айгерім Малахова, университет оқытушылары сөз сөйледі. Қатысушылар көпмәдениетті білім мен этносаралық қарым-қатынасты дамыту үшін зияткерлік әлеуетті қалыптастыру мақсатында медиация институтын дамыту және одан әрі жемісті ынтымақтастық үшін келісімге қол қоюдың маңыздылығын; педагогтар мен студент жастарды өңірлік деңгейде бейбітшілік пен қоғамдық келісім мәдениетіне тәрбиелеу қажеттігін атап өтті. Меморандумға қол қою рәсімі аяқталған соң қонақтар үшін университеттің кабинеттері: медиация залы, криминалистикалық кабинет, сот отырыстары залы бойынша экскурсия жүргізілді.

БҚО Татуласу орталығы өзінің практикалық қызметінде тараптарға уақыт пен ақшаны үнемдеуге мүмкіндік беретін, оңтайлы нәтижелерге қол жеткізе отырып, дауларды шешудің заманауи құралдарын пайдалану үшін медиацияны дамытудың негізгі трендтеріне тұрақты негізде мониторинг жүргізеді. Медиация институты жеңілдетілген және жеделдетілген рәсімді ұсына отырып, азаматтардың құқықтары мен мүдделерін қорғауға ықпал етеді. Казталов ауданы Жалпақтал ауылы № 2 сотының төрағасы Бижанов Айвар Серікұлы даулы жағдайларды шешуге, сондай-ақ сотқа дейінгі тәртіппен қабылданатын істердің санын ұлғайтуға жәрдемдеседі. Судья аудандық медиаторларды қолдайды және тараптарды медиацияға бағыттайды. Медиативтік дағдыларды игерудің арқасында Казталов ауданы Қараөзен ауылының қоғамдық медиаторы және құрметті азаматы Кенжеғалиев Амангелді Сатыбалдыұлы өз қолымен кабинетті рәсімдеп, өңірдегі дауларды реттеудің баламалы достық нысандарын дамыту мақсатында сәтті медиативтік келісімдер жүргізуде.

2021 жылдың 23 маусым күні Татуласу орталығында «Экономикалық даулар бойынша медиация» семинар-кеңесі өтті. БҚО әкімдігі ішкі саясат басқармасы мен БҚО Мамандандырылған ауданаралық экономикалық соты мен БҚО Татуласу орталығы арасындағы ынтымақтастық туралы Меморандумның міндеттерін іске асыру мақсатында БҚО МАЭС судьялары Алтынай Давлетова, Любовь Корсакова экономикалық саладағы, бизнес-ортадағы даулар туралы ақпарат берді. Семинарға қатысушы медиаторлар мен этномәдени орталықтардың мүшелері практикалық жағдайларды талдағаннан кейін медиация институтын дамытудың маңыздылығын, этносаралық өзара іс-әрекетін мәдениетін қалыптастыру және өңірлік деңгейде қоғамдық келісімге қол жеткізу қажеттігін атап өтті.

2021 жылдың 25 маусымында Тасқала ауданының ішкі саясат басқармасының бастамасымен оффлайн және онлайн режимінде «Медиация: тәжірибе, даму болашағы» семинары өтті, оған Тасқала ауданы әкімінің орынбасары Талғат Шәкіров, БҚО Татуласу орталығының, Ақжайық, Жаңақала, Тасқала аудандарының медиаторлары, ауылдық округ әкімдері, жергілікті полиция қызметі және БАҚ өкілдері қатысты. Қатысушылар жұмыс тәжірибесімен алмасып, өңірлердегі медиация институтын дамытудың жолдарын талқылап, аудандарда медиация кабинеттерін құру мәселесін көтерді.

Қазақстан Республикасы Тәуелсіздігінің 30 жылдығы аясында 2021 жылғы 5 тамызда БҚО Татуласу орталығында ҚР «Медиация туралы» Заңының 10 жылдығына және БҚО Қазақстан халқы Ассамблеясы медиация кабинетінің 5 жылдығына арналған мерекелік іс-шара өткізілді. Іс-шараға БҚО әкімдігі ішкі саясат басқармасының «Қоғамдық келісім» КММ басшысының орынбасары Жамал Ықсанова, БҚО Татуласту орталығының басшысы Алуа Рахишева, Татуласу орталығының қызметкерлері, Батыс Қазақстан инновациялық-технологиялық университетінің доценті, тарих ғылымдарының кандидаты, тарих және құқық кафедрасының меңгерушісі Аққайын Балықова, БҚО ҚХА кәсіби және қоғамдық медиаторлары, «БҚО Медиаторлар одағы» ЗТБ, аудандық ішкі саясат болімдерінің, білім беру саласының, қоғамдық ұйымдардың өкілдері – барлығы 95 адам қатысты. Диалог алаңы барысында қатысушылар медиацияның қалыптасу кезеңдері туралы бірқатар мәселелерді егжей-тегжейлі айтып берді, БҚО ҚХА медиация бөлімінің жетістіктері мен нәтижелері туралы әңгімеледі, жергілікті жерлерде медиацияның дамуына талдау жасады және өңірдегі медиация институтын дамытудың маңызды тақырыптарын талқылады.

2021 жылғы 26 тамызда Қазақстан халқы Ассамблеясының қолдауымен бүкіл ел бойынша өтіп жатқан «Ақ орамал» республикалық акциясы аясында Татуласу орталығының ұжымы Ашық есік күні форматында «Ақ орамал – бейбітшілік пен келісімнің символы» атты іс-шара өткізді. Адамзаттың әдемі жаратылыс өкілдері ақ орамалда. Қазақтардың тарихында оның терең философиялық мәні бар. Ақ түс-тазалықтың, ананың, ар-намыстың, татулықтың белгісі. Медиаторлар, Ардагерлер және Аналар кеңесі мен жұртшылық өкілдері арасындағы кездесу аясында демократиялық қоғамның негізі ретінде медиация туралы диалог орнатылды. Қатысушылар отбасындағы бейбітшілікті, жанашырлық сезімін ояту, балалары мен немерелерін толеранттылық рухында тәрбиелеу ерте жастан қажет деп санайды. Жиналғандар елімізде тұратын барлық ұлттар арасындағы бейбітшілік пен келісімді сақтауға шақырды. Бұл күні Татуласу орталығына отбасылық жанжалдар даулары, қарызды өндіріп алу, алименттерді өндіріп алу, жол-көлік оқиғасы туралы төрт өтініш келіп түсті.